Монгол Улсын Ерөнхийлөгчийн нэрэмжит танхимын нээлтийн ёслол боллоо

Монгол Улсын Ерөнхийлөгчийн нэрэмжит танхимын нээлтийн ёслол боллоо

Монгол Улсын Ерөнхийлөгчийн нэрэмжит танхимын нээлтийн ёслол болно

Written by Administrator

Friday, 06 April 2012 17:33

Ирэх даваа гараг буюу 2012 оны 04 сарын 09-нд Үндэсний номын санд Монгол Улсын Ерөнхийлөгчийн нэрэмжит Эрдэм шинжилгээний уншлагын танхим нээгдэх гэж байна. Монгол Улсын Ерөнхийлөгч Ц.Элбэгдоржийн санаачлагаар монгол туургатны бичиг соёлын үнэт өв, гар бичмэл барын ном, монгол судалын ном судрын судалгаа, эх сурвалжсудлалыг хөгжүүлэх зорилгоор Үндэсний номын сангийн эрдэм шинжилгээний уншлагын танхимыг МУ-ын Ерөнхийлөгчийн нэрэмжит танхим болголоо. Ерөнхийлөгчийн нэрэмжит танхим нь эрдэм шинжилгээний уншлагын танхимын үнэмлэхээр дотоод гадаадын эрдэмтэн мэргэд, монгол судлаачид, их дээд сургуулийн багш нар болон залуу судлаачдад үйлчилнэ. Орчин үеийн уншлагын танхимын жишигт нийцсэн уг танхимд эрдэм шинжилгээний томоохон хурал зөвлөгөөн, лекц семинар болон бусад арга хэмжээ зохион байгуулагдах юм. МУ-ын Ерөнхийлөгчийн Тамгын газраас монгол судлалыг хөгжүүлэх, үндэсний үсэг бичгийн дурсгалыг цуглуулах, сурталчлах талаар Үндэсний номын сантай цаашид хамтран ажиллана. https://www.facebook.com/events/328498553881686/

Written by Administrator

Tuesday, 10 April 2012 12:32

Монгол Улсын Ерөнхийлөгчийн нэрэмжит эрдэм шинжилгээний уншлагын танхимын нээлт Үндэсний номын санд өнөөдөр боллоо. Нэрэмжит танхимыг нээж Ерөнхийлөгчийн Тамгын газрын дарга Д.Баттулга үг хэлэхдээ “Монгол Улсын Ерөнхийлөгч бүрэн эрхээ хэрэгжүүлж эхэлсэн цагаасаа Үндэсний номын сангийн асуудалд санаа тавьж орчин үеийн шаардлагад нийцсэн танхим нээхээр УИХ-д хандаж, 2012 оны төсөвт хөрөнгө мөнгө суулгуулсны үндсэн дээр энэхүү танхимыг өнөөдөр нээж байна. Бэлтгэл тохижолтын ажилд нь бараг жил гаруй хугацаа зарцууллаа. Цаашид энэ танхимд дижитал аудио, видео тоног төхөөрөмж суурьлуулж, мэдээллийн сан бүрдүүлэх болно. Гадаад, дотоодын эрдэмтэд, эрдэм шинжилгээний ажилтнууд тухлан суух энэхүү уншлагын танхимын мэдээллийн сан, эх сурвалж орчин үеийн эрэлт хэрэгцээг бүрэн хангасан байх болно. Түүнчлэн Ерөнхийлөгчийн зүгээс Номын сангийн тухай хуулийн төсөл боловсруулж байгаа. Энэ хууль гарснаар номын сангийн талаар төрөөс баримтлах бодлого тодорхой болох юм. Номын мэргэд төрөх энэхүү танхимаа Үндэсний номын сангийн ажилтнууд сайхан явч яваарай” гэв. Нэрэмжит танхимаа байгуулан номын сангийн үйлчилгээг дэлхийн жишигт хүргэх, цахим тоног төхөөрөмжөөр хангах сайхан санаачилга гаргасанд Ерөнхийлөгч, түүний Тамгын газарт талархаж байгаагаа үг хэлсэн хүмүүс илэрхийлж байлаа. Тэдний нэг Үдэсний номын сангийн эрдмийн зөвлөлийн дарга, доктор Ш.Чоймаа үг хэлэхдээ нэрэмжит танхимд монголын эрдэмтэд бүтээлээсээ хандивлах болно гэж мэдэгдсэн юм. “Хаадын сан”-гаас Ерөнхийлөгчид бэлэглэсэн 17 боть буюу Модунаас наймдугаар богд хаан хүртэл Монголын хаадын тухай уран сайхны аргаар өгүүлсэн цуврал номыг тус танхимын номын сан хөмрөгт хувь нэмэр болгосныг нээлтийн ёслолын үеэр Ерөнхийлөгчийн зөвлөх Р.Болд Үндэсний төв номын сангийн захирал Х.Чилаажавт гардуулан өгөв. Энэчлэн Ерөнхийлөгчид бэлэглэсэн олон зуун номыг тус танхимд дэлгэн тавьжээ. Дараа нь ШУА-ийн түүхийн хүрээлэн он оны шилдэг бүтээлүүдээсээ оролцуулсан 20 ном тус нэрэмжит танхимд бэлэглэснийг хүрээлэнгийн эрдэмтэн нарийн бичгийн дарга Н.Хишигт гардууллаа. Үндэсний номын санд цахим ном ирлээ Written by Administrator    Tuesday, 03 April 2012 10:20 “Интерпресс” ХХК “Ном уншихад хялбар боллоо” уриа гаргаж, Үндэсний номын санд 70 ширхэг цахим номоор бэлэг барилаа. Дэлхий нийтэд цахим номын үйлчилгээ ид хөгжиж байгаа энэ үед хэвлэлийн ууган үйлдвэрүүдийн нэг тус компани Үндэсний номын сангийн уншигчдын хэрэгцээнд нийцсэн бэлэг барьсанд талархаж буйгаа илэрхийлье. “Интерпресс” ХХК www.iNom.mn цахим номын дэлгүүрээрээ дамжуулан бүх төрлийн ном хэвлэлийг худалдаалдаг бөгөөд цахим санд үнэгүй татаж унших боломжтой номнууд ч цөөнгүй бий. Цахим ном нь зураг, дүрс бичлэгээр баялаг, хүссэн хэмжээгээрээ томруулаад унших боломжтой, авч явахад хялбар, байгальд ээлтэй зэргээрээ онцлог . Номын сангийн уншигч үйлчлүүлэгч, номын хорхойтнууд та бүхэн Үндэсний номын санд хүрэлцэн ирж “Интерпресс” ХХК-ийн бэлэглэсэн номнуудыг уншиж болохоос гадна уншлагын танхимуудаас www.iNom.mn цахим номын дэлгүүрийн 1000, 3000, 5000, 10000 төгрөгийн картыг худалдан авч, цахим сангаас хүссэн номоо авч унших боломжтой. Дэлгэрэнгүй мэдээллийг 343969 утаснаас лавлана уу “Номын сангийн үйл ажиллагаанд баримтлах эрхзүйн баримт” ном хэвлэгдлээ Written by Administrator    Tuesday, 28 February 2012 10:44 Төр засгаас соёл, боловсрол, мэдээллийн байгууллага болох номын сангийн үйл ажиллагааг зохицуулах, нэгдсэн бодлогоор хангахын тулд хууль эрх зүйн олон баримт бичгийг батлан гаргасан билээ. Эдгээр баримт бичгүүдийг номын санчдын өдөр тутмын үйл ажиллагаанд мөрдлөг болгон ашиглуулах зорилгоор соёлын ажилтан, номын санчдын хүсэлтээр 3 дахь хэвлэл болох “Номын сангийн үйл ажиллагаанд баримтлах эрх зүйн баримт” гарын авлагыг эмхэтгэн та бүхэнд барьж байна. Номын сангийн баримт бичгийн эмхэтгэл нь анх 1988 онд, 2 дахь нь 2003 онд Үндэсний номын сангийн Мэдээлэл арга зүй, эрдэм шинжилгээний хэлтсээс эрхлэн гаргасан бөгөөд соёлын ажилтнууд, нийт уншигчдын чухал гарын авлага болсоор ирсэн юм. Уламжлалт үндэсний бичиг үсгийн баяр Written by Administrator    Tuesday, 10 May 2011 11:32 Жил бүр уламжлал болгон зохион байгуулагддаг "Үндэсний бичиг үсгийн баяр" болох Монгол бичгийн баярыг БСШУЯ, Засгийн Газрын хэрэгжүүлэгч агентлаг, Соёл Урлагийн хороо, Монголын Үндэсний номын сан, их дээд сургуулиуд, төрийн болон төрийн бус байгууллагууд хамтран 2011 оны 05 сарын 04-07ны өдрүүдэд өргөн дэлгэр зохион байгуулж явууллаа. Номын яармаг - 2010 Thursday, 11 November 2010 09:55 Жил бүр зохион байгуулагддаг номын яармаг "Номын баяр - Бидний баяр" нэртэйгээр өнөөдрөөс буюу 2010-11-11 эхлэн 2010-11-13-ний өдрүүдэд Хүүхдийн номын ордонд зохион байгуулагдаж байна. "Номын яармаг - 2010"-д болох арга хэмжээнүүдэд номын үзэсгэлэн, худалдаа, номын эх зуучлан борлуулах ажиллагаа, ховор номын дуудлага худалдаа, номын хандив, ном солилцоо, ном хэвлэлийн асуудал, номын сангийн хуулийн төслөөр хэлэлцүүлэг, уулзалт, "Ном гэгээрэлд хүрэх зам" лекц зэрэг болно. Та бүхэн хүрэлцэн ирсэнээр сонирхсон номоо худалдан авах, уран бийрээр нэрээ бичүүлж авах, хэвлэлийн түүхийг өгүүлсэн модон барын гайхамшигтай танилцуулга үзэх, зохиолчидтой уулзаж гарын үсэгтэй номыг нь авах, утга уянгын цагаар шинэ уран бүтээлчидтэй уулзана. Арга хэмжээг БСШУЯ, ЗГХАгентлаг-Соёл, урлагийн хороо, МҮНС, Монголын зохиолчдын эвлэл, Хүүхдийн номын ордон, Монголын хэвлэлийн үйлдвэрүүдийн холбоо хамтран зохион байгуулж байна. Харин уг уламжлалт арга хэмжээг ивээн тэтгэж "Содпресс" ХХК, мэдээллийн ивээн тэтгэгчээр MNB, UBS, TV9 телевизүүд ажиллаж байна.